Рускиот министер за одбрана Сергеј Шојгу денеска пристигна во ненадејна посета на руските сили во Украина, додека борбите беснеат околу источниот град Бахмут, пишува Франс24.
Во соопштението објавено на Телеграм, Министерството за одбрана објави дека Шојгу „извршил инспекција на напредното командно место на една од формациите на источниот воен округ во правец на јужен Доњецк“.
На видео објавено од Министерството, може да се види како Шојгу доделува медали на руски воен персонал и го обиколува уништениот град заедно со окружниот командант, генерал-полковник Рустам Мурадов. Високи руски воени команданти ретко ја посетуваат линијата на фронтот во Украина откако Русија ја нападна земјата пред една година.
Шојгу, кој е министер за одбрана од 2012 година, беше под остри критики поради неговиот однос за време на војната. Шефот на групата Вагнер, Евгениј Пригожин, минатиот месец го обвини министерот и останатите за предавство.
