Едно лице е рането во престрелка која се случила попладнево во Визбегово, дознава 24Инфо. Според неофицијални информации, повредениот е пренесен в болница.
Станува збор за Арменд Б. од Скопје.
24Инфо пишува дека е пронајден и автомобил „сеат“ во кој имало „калашников“, за кој се претпоставува дека е оружјето со кое е пукано во повредениот. Не е познто дали тој возвратил на нападот и дали има и други повредени.
Од МВР го потврдиле инцидентот дека „на 09.05.2023 во 17,20 часот во СВР Скопје А.Б. пријавил дека во Визбегово кон него пукал И.А. и го повредил. Се преземаат мерки за расчистување на случајот“, велат од Министерството.
