Арман Солдин, видео-репортер на Агенцијата Франс Прес (АФП), беше убиен вчера во ракетниот напад на Русија врз источна Украина, објави Институтот за информации на Украина, повикувајќи се на АФП.
Рускиот ракетен напад се случи во близина на Часив Јар, кој е во близина на Бахмут во областа Доњецк.
Arman Soldin, who was our Ukraine video coordinator, was killed by rocket fire near Chasiv Yar, AFP colleagues who witnessed the incident said.
The attack happened in the town’s outskirts close to Bakhmut — the epicenter of the fighting in eastern Ukraine for several months.
— AFP News Agency (@AFP) May 9, 2023
Според француски Ле Монд, Арман Солдин и неговите колеги од АФП биле под руски ракетен напад во источна Украина додека биле со група украински војници.
„Солдин (32) беше убиен кога ракета погоди блиску до местото каде што лежеше. Остатокот од тимот беше неповреден“, се вели во извештајот.
Претседателот на АФП, Фабрис Фрис, истакна дека смртта на Солдин е „ужасен потсетник за ризиците и опасностите со кои се соочуваат новинарите секојдневно покривајќи го конфликтот во Украина“.
Роден во Сараево, Солдин беше француски државјанин кој почна да работи за АФП како практикант во бирото во Рим во 2015 година, а подоцна беше ангажиран во Лондон. Тој беше дел од првиот тим на АФП што беше испратен во Украина по почетокот на руската инвазија на 24 февруари 2022 година.
Солдин живееше во Украина од септември 2022 година, водејќи го видео тимот и редовно патуваше во првите борбени линии на исток и југ.
Институтот за информации на Украина, нагласи дека Арман Солдин е 57-ми медиумски професионалец кој загинал во Украина поради руската вооружена агресија и 10-ти новинар убиен од руските војници додека извршувал професионални должности.
Подготви: Ј. Ѓ.
