Класично бели кошули штотуку станаа возбудливи. Основата за спортска облека позната по својата јасна јака и чистиот крој, е обновена на начини што го мачат умот и ја надополнуваат гардеробата.
Оваа сезона забележа изобилство на бели кошули – и тие се сè освен униформни.
„Белата кошула има способност да го спои секој изглед“, рече дизајнерот од Њујорк Тори Бурч, чија пролетна колекција имаше стилови со нежно заоблени раменици и длабоки деколтеа кои се заоблуваат како врвовите на кала цвет. „Може да биде моќно, женствено или остро софистицирано“.
Во викторијанскиот Лондон, белата кошула го симболизираше статусот, а нејзиниот недопрен изглед, и порачуваше дека имате доволно слуги за внимателно да ви ја исперат вашата облека. Околу раните 1900-ти, британскиот Раџ поло тим усвои лабава интерпретација – сега позната како Оксфорд – како своја униформа.
Белата кошула доби луд шарм кога Одри Хепберн носеше долга смокинг верзија како ноќница во „Појадок кај Тифани“ од 1961 година, и лесен сексапил кога Мерлин Монро ја спои нејзината кошула со фармерки истата година.
Бидејќи белите кошули никогаш навистина не исчезнале, тешко е да се прецизира како тие ја вратиле таквата вредност. На доделувањето на Оскарите во 2022 година, Кристен Стјуарт, Ума Турман и Зендаја носеа кошули како главни елементи на црвениот тепих. Во меѓувреме, жените ширум светот ги комбинираа своите гардероби за хибриден работен свет. „Мислам дека постојано сме принудени да извршуваме повеќе задачи и очекуваме и нашата облека да го прави тоа“, рече Ирската дизајнерка Марија Мекманус, која го започна својот бизнис со препознатлива бела кошула. Г-ѓа Шепард, стилистка од Њујорк, ја потврди разновидноста на кошулата: „Тоа е една од ретките работи што може да функционира за секого“.
За да ги имитирате неодамнешните појавувања на црвениот тепих, обидете се со кратка верзија на кошула и со здолниште. Г-ѓа Шепард советува да комбинирате бела кошула со јака под црн фустан без прерамки.
Белите кошули имаат една слабост: тие се бели. „Бидејќи сум ситна и со облини, сакам голема бела кошула над панталони со потпетици или чизми“, рече Џези Мекгилберт (34), сопственичка на книжарницата во Лос Анџелес Reparations Club. „Но, секогаш се чувствувам како да треба да имам резервна облека во мојот автомобил, бидејќи со едно лате и станува хаварија“.
Извор: Волстрит Журнал
Подготви: Б. Т.
