Лидерот на опозициската ВМРО-ДПМНЕ, Христијан Мицкоски, веќе најави дека поставил одредени услови кон парламентарното мнозинство и премиерот Димитар Ковачевски, за опозицијата да ги поддржи неопходните уставни измени за Северна Македонија да го изоди својот пат кон Европската унија (ЕУ).
Едно од барањата на Мицкоски за парламентарното мнозинство е проширена Влада во која ќе учествува и ВМРО-ДПМНЕ, но без ДУИ.
Политичкиот аналитичар Берат Азизи во изјава за „Фронтлајн“ вели дека политичките партии на Албанците веќе јасно го кажале својот став во однос на уставните измени, дека за нив приоритет е интеграцијата на земјата во ЕУ.
– Земјата мора да оди напред без пречки кон ЕУ, тоа го диктираат и многу други геополитички и економски фактори. Но, мислам дека владата по секоја цена бара Уставните измени да се изгласаат не ставајќи други услови, како што се барањата на партиите на Албанците од опозиција. И покрај случувањата што може да ги очекуваме деновиве, верувам дека политичките партии на Албанците и оние од опозицијата ќе гласаат за уставните измени бидејќи ќе не може да се спротивстави на меѓународниот притисок. Сите, зборуваме за власт и опозиција, но не зборуваме за меѓународниот фактор кој веќе јасно стави до знаење и на одреден начин тие го вршат своето влијание да ги одобрат уставните измени и да се продолжи на патот кон ЕУ, вели Азизи за „Фронтлајн“.
Според него, тврдењата на ДУИ и на Алијансата за Албанците дека ја оставаат власта само за да ги одобрат уставните измени, не се важни, бидејќи бројките не се кај овие две партии или кај власта, туку кај опозицијата, односно ВМРО-ДПМНЕ, кои не се согласуваат да гласаат за измените.
Новинарот Селадин Џезаири од Балканскиот институт за регионална соработка (БИРЦ) вели дека ДУИ го искористиле овој моментум за да ги потврдат своите програмски определби и да имплицираат дека за нив државата е од примарно значење (со албанскиот удел), а не држење на власта по секоја цена.
– Во процесот треба да придонесат сите политички сили, и партиите на Македонците и на Албанците. Дека македонската десница од ден на ден станува се потрезна, во смисла на дејствување со нозе, докажува и изјавата на првиот човек на ВМРО-ДПМНЕ, Христијан Мицкоски, за подготвеноста на оваа партија да ги изгласа уставните измени и покрај неговите услови. Сега, како што се позиционира ВМРО-ДПМНЕ, сфаќа дека пресметките ги прави без да калкулира! Затоа реакцијата на ДУИ беше политички и партиски ударна, изјави Џезаири за „Фронтлајн“.
Според изјавите на партиите на Албанците, евентуалната проширена Влада може да остане без ниту една од нив во неа.
Демократската унија за интеграција (ДУИ) и понатаму останува на истиот став во однос на барањето на ВМРО-ДПМНЕ за нејзино излегување од Владата, но има само еден услов, уставните измени да се изгласаат пред да се формира влада без ДУИ, а со ВМРО-ДПМНЕ во неа.
Од ДУИ за „Фронтлајн“ велат дека продолжуваат напорите за одобрување на уставните амандмани. Интегративците очекуват постапката за уставни измени да започне до крајот на јули. Според нив, оваа измена ќе биде прифатена и од граѓаните, не само од пратениците.
– Гласањето на уставните измени е важно за идниот европски курс на државата. ДУИ е партија која ветува и остварува. Во насока на нашата партија ние би се жртвувале за Северна Македонија да влезе во Европската Унија, велат од ДУИ за „Фронтлајн“.
Фракцијата на ДУИ предводена од Изет Меџити, Муса Џафери и Блерим Беџети оценува дека преговорите за проширена Влада се политичка трговија во која не се гледаат.
– Ќе направиме се што е во наша моќ да го помогнеме овој процес кој е корисен за сите граѓани и единствен пат кон трајна стабилност и благосостојба. За нас се од мала важност владините комбинации, изјавија од фракцијата на Изет Меџити и Муса Џафери.
Од Движењето БЕСА се изјаснија дека нивната партија ќе биде дел од Владата дури по парламентарните избори, на кои, според нив, овој субјект ќе биде победник во албанскиот политички табор.
Алтернатива на Африм Гаши, бара прво да се докаже дека во Собранието има бројки за уставни измени и да се исполнат нивните барања за остранување на дефиницијата „20%“ за албанскиот јазикот, додавајќи дека учеството во Влада со проширен формат е од мало значење за нив.
Дестан Јонузи
