Русија преполнa со помилувани силувачи и убијци вратени од војната во Украина, бројот на руски цивили убиени од платениците на Вагнер рапидно се зголемува

Руските затвореници кои Путин го ослободи од издржување затворски казни за тешки кривични дела, силувања и убиства, за да се борат за озлогласената парамилитантна група Вагнер во Украина, при враќањето од фронтот дивеат по улиците на руските градови.

Застрашувачката видео снимка покажува крвави траги во внатрешноста на возот во кој дивеел платеникот на Вагнер додека руската војна во Украина добива уште еден брутален пресврт.

Видеото споделено на социјалните мрежи ги покажуваат креветите, масите, подот, вратите и ѕидовите посипани со крв во возот кој патува од Украина до Русија.

Игор Сушко, истражувач од Истражувачката група „Ветрови на промените“ ја сподели информацијата на Твитер.

Руски убиец регрутиран од затвор од Вагнер ПМЦ и помилуван од Путин дивее во воз на враќање од Украина во Русија. На едно лице му го пресекол грлото и на друго му ја прободел главата, напиша Сушко.

Сушко додаде дека шефот на Вагнер, Евгениј Пригожин – близок доверлив човек на рускиот претседател – рекол дека 32.000 помилувани криминалци „сега се лабави низ цела Русија“.

„Од 18 јуни 2023 година, 32.000 лица претходно осудени и кои учествувале во специјалната воена операција меѓу редовите на ПМЦ Вагнер си отидоа дома по завршувањето на нивните договори“, рече основачот Евгениј Пригожин, користејќи го терминот на Кремљ за руската инвазија. на Украина.

Овие 32.000 вагнерови платеници кои ја преживеаја Украина својата слобода му ја должат на Пригожин. Многумина веројатно ќе функционираат како платеници кои сега може да ги активира низ цела Русија, вклучително и против режимот на Кремљ. Како за пример, Гиркин го зазеде Славјанск (106.972 жители) со 45 платеници во 2014 година, пичува Сушко.

На друга видео снимка се гледа како платеникот на ПМЦ на Вагнер, кој неодамна се врати од борбите во Украина, Василиј Мурачев пука во Александар Ракислов, претседател на локалната боксерска федерација и двајца други во Ангарск, Русија.

Реинтеграцијата во руското општество на помилуваните затвореници кои се враќаат од фронтот во Украина станува се по крвава додека бројот на руски цивили убиени од платениците на Вагнер рапидно се зголемува.

Драган Мишев / Цивил Медиа