Огромен американски носач на авиони на нуклеарен погон „USS GERALD R. Ford“ се движи кон источниот Медитеран, изјави американскиот секретар за одбрана Лојд Остин.
USS Gerald R. Ford отплови со италијанската морнарица претходно оваа недела.
Носачот ќе биде придружуван од разурнувачи со наведувани проектили и крстосувачи со наведувани ракети.
Тоа е најскапиот воен брод што е некогаш изграден, чија вредност изнесува 12,9 милијарди долари. Изградбата на бродот започнала во 2007 година, а на неа работеле повеќе од 5.000 луѓе. Може да носи 75 авиони и 4.660 луѓе. Достигнува брзина од 30 јазли (55 км/ч), а од него може да полетува по еден авион на секои шест минути, што теоретски овозможува дури 220 воздушни напади дневно.
„Гордоста“ на американската морнарица е долга повеќе од 330 метри и висока 76 метри. Името го носи по 38-от претседател на САД, Џералд Форд.
Г. Т.
