Во изминативе 24 часа, засилени напади на рускиот агресов врз цивилни цели во повеќе региони во Украина. Според извештаите што утрово ги пренесе Укринформ, едно лице е убиено, а повредени се три лица во воздушен напад врз Берислав, во областа Херсон. Руската армија уби еден жител на регионот Доњецк, а повреди уште двајца.
Руската војска утрово изврши воздушен напад врз Берислав, во областа Херсон. Едно лице е убиено, објави на Телеграм, украинскиот министер за внатрешни работи Ихор Клименко.
Тој рече дека пред околу еден час руската војска извршила воздушен напад врз градот Берислав. Според првичните податоци, едно лице е убиено. Единици на Државната служба за итни случаи и Националната полиција вршат увид на теренот.
Како што е соопштено, околу 4 часот утрово руската армија од воздух нападнала две населени места во областа Херсон, лансирајќи вкупно шест бомби.
Како резултат на утринското артилериско гранатирање на Херсон, повредени се три лица, а оштетени се приватни куќи на цивили, објави на Телеграм, шефот на Регионалната воена управа на Херсон, Олександр Прокудин.
„Непријателот го нападна градот со артилерија. Погоди станбена зона. Три лица се повредени. Приватни куќи се оштетени“, рече Прокудин.
Според него, 49-годишната жена има потрес на мозокот и повреда од експлозија од мина, повреди од шрапнели. Состојбата на жената е сериозна. Мажите на возраст од 60 и 39 години се со повреди од шрапнели.
Во текот на изминатиот ден, руската армија уби еден жител на регионот Доњецк, а повреди уште двајца, објави на Фејсбук Ихор Мороз, вршител на должноста началник на регионалната воена управа на Доњецк.
„На 19 октомври, Русите убиле еден жител на регионот Доњецк – во Била Хора. Уште две лица беа повредени во регионот во текот на денот“, рече тој.
Вкупно, 1.744 луѓе се убиени, а 4.264 се повредени од почетокот на целосната инвазија на руската армија во регионот на Доњецк.
Како што е соопштено, руските сили лансирале 12 проектили и извршиле 60 воздушни напади во текот на изминатиот ден. Има загинати и повредени цивили. Уништени се и оштетени станбени згради и приватни куќи, како и друга цивилна инфраструктура.
Руските војници 24 пати пукаа на териториите и населбите во регионот Суми блиску до границата со Русија. Најмалку 188 експлозии се регистрирани, според Регионалната воена управа на Суми
Како што е соопштено, руската армија изврши комбиниран напад врз заедницата Билопилија, употребувајќи гранати, минофрлачи и артилерија.
Во Краснопилија најмалку еден цивил е ранет. Беспилотни летала фрлиле најмалку шест експлозиви.
Руските сили нападнале сo минофрлачи врз заедниците Шалихине и Хлухив, ги гранатирале заедниците: Велика Писаривка Писар, Середино-Буда и Хотин.
Подготви: Ј. Ѓ.
