Градоначалникот на Штип, Иван Јорданов контра својот лидер Христијан Мицкоски. Општината ги завршила сите технички подготовки за почеток на најголемиот Фотоволтаичен Парк во Западен Балкан од кој бенефит ќе имаат сите жители на истокот. Јорданов чека амин од своите сопартијци во Законодавниот Дом за да започне реализацијата на најголемата инвестиција во овој дел од државата, која ќе го подобри енергетскиот потенцијал на земјава но истовремено ќе отвори и нови работни места во Штип.
Од друга страна, во пресрет на изборите во мај, лидерот на ВМРО-ДПМНЕ, Христијан Мицкоски против проектите кои носат напредок и развој на државата. Стратешкото вложување во енергетскиот сектор од водечка компанија за производство на електрична енергија од обновливи извори на енергија во Франција за Мицкоски ќе има негативното влијание и според него тоа е злодело или злочин кој го прави оваа Влада, пишува „24 инфо“.
-Еве ако е толку паметно ова што го направила Владата, јас веднаш ќе кажам се ова што го зборувам досега го повлекувам, под истите услови нека даде француската Влада во Нормандија македонска инвестиција. Но, под истите услови. Ама ако е толку добро ова за Македонија, да направиме и ние Македонците нешто добро за Франција“, истакна претседателот на ВМРО-ДПМНЕ, на дебата Економска платформа за иднина на тема „Нов концепт за економски развој“ која се одржа во Велес.
За „Акио Енерџи“ од Франција јавноста дозна пред три години на владина прес конференција на која гаранција и сериозност на инвестицијата пристигна директно до францускиот амбасадор Сирил Бомгартнер, кој смета дека билатералните односи се подобруваат и се стекнува поголема довреба токму преку вакви сериозни потези.
-Овој соларен парк ќе биде најголемиот кој досега е изграден во овој регион од Западниот Балкан. Истовремено ќе и помагне на земјата да го изоди својот амбициозен европски пат за намалување на емисиите на јаглероден диоксид, рече Бомгартнер.
