Во големиот руски напад на Украина денеска, 8 јули, загинаа 31 лице, а беа повредени повеќе од 100 други. Според Укринформ, ова го пријавила Државната служба за вонредни ситуации на Фејсбук.
„До 15:30 часот во Украина како резултат на непријателскиот напад загинаа 31 лице, а други 125 се повредени“, се вели во соопштението.
Во Кијив до 15:30 часот загинаа 20 лица, а 61 се повредени.
Конкретно, две лица загинаа, а 10 други се повредени на територијата на детската болница Охматдит. Спасени се четири лица, меѓу кои три деца.
Спасувачките операции се во тек.
Претходно, Телеграмскиот канал на министерот за внатрешни работи Ихор Клименко објави информации за 28 загинати: 11 во регионот Днепропетровск и 17 во Кијив.
Според Клименко, 62 лица се повредени во регионот Дњепропетровск, 48 – во главниот град, 2 – во регионот на Кијив.
Во гранатирањето беа оштетени повеќе од 50 цивилни објекти, вклучително и станбени згради, деловен центар и две медицински установи.
Ј. Ѓ.
