За време на трите дена од продолжениот викенд по повод државниот празник 11 Октомври – петок, сабота и недела, автобусите од јавниот градски превоз ќе сообраќаат по неделен возен ред, информира ЈСП Скопје.
-Денеска и в недела дежурни ќе бидат билетарниците и центрите за персонализација во Транспортен центар, Ѓорче Петров и Зелен пазар и ќе работат од 8 до 14 часот. Жичницата ќе функционира вообичаено, со работно време од 10 до 18 часот, при што од 17 до 17:30 часот е последното возење од долу кон врвот, а во 17:45 часот е последно возење од врвот надолу, соопшти ЈСП.
