Џенифер Лопез и Бен Афлек можеби минуваат низ развод, но изгледа дека работите се смируваат, пишува Си-Ен-Ен.
Додека го промовираше „Small Things Like these“, кој го продуцираше, Афлек разговараше и за друг филм, „Unstoppable“, во кој играат Дон Чидл, Џарел Џером, Боби Канавале и Џенифер Лопез.
„Unstoppable“ е многу поинаков филм од овој, но на некој начин, на сличен начин е вкоренет во страста на навистина талентираните уметници. Били Голденберг и Џенифер и Дон Чидл и Џарел [Џером] и Боби Канавал, сите беа навистина страствени за овој филм“, изјави Афлек за Entertainment Tonight.
Актерот, режисер и продуцентот исто така имаше многу пофалби за ѕвездите на филмот, вклучувајќи ја Џенифер Лопез.
„Џенифер е спектакуларна. Верувавме во вистинските луѓе, а „Unstoppable“ е уште еден пример за тоа, рече Афлек.
„Unstoppable“ ја раскажува вистинската приказна за борачот Ентони Роблс, кој е роден со една нога и го освои националното првенство во 2011 година.
Лопез поднесе барање за раскинување на нивниот двегодишен брак во Лос Анџелес во август, што се совпадна со годишнината од нивната свадбена церемонија во Рицеборо, Џорџија во 2022 година.
Раскинувањето дојде по извештаите дека двајцата живееле одвоено, Лопез ја откажала својата летна турнеја за да помине време со своето семејство и тие го ставиле својот дом во Беверли Хилс на продажба.
Тоа беше втор брак на Афлек, а четврти за Лопез.
Подготви: Ј. Ѓ.
