Тина Иванова, музиколог, продуцентка, писателка
Музиката спасува живот,
Ако ѝ се препуштиш и ја восприемиш, таа ќе расне
Како небаре твое чедо, твое бисерно парче од душата.
Еден звук, како еден здив повеќе. Носи го со себе, секогаш!
Допир со мориња и океани, пеперутки и дрвја, со сни неостварени.
Онеменост од убавина, но и од јад и жал, чемер и гнев.
Немир мој бескраен, ах тој бескрај како брег распослан со сноп од светлост,
Сам, но полн со едра и јарболи на
Кои јасно е испишан слоган:
Ако не си со музиката, бавно заминуваш…
Факел си издигнат по борби и искушенија,
Изгрев после бури и грмотевици,
Лек без рецепти и болници,
Химна која најавува радост по сиви денови,
Азбука на чудни приказни полни со фантазија и волшебни авантури.
Расцветај повторно низ широките полиња,
Моја љубов магична!
Од пепелта издигни се како Феникс во нов живот,
Накити го небото со ѕвездени тонови и
Играј, трчај,
Јавај низ ветриштата со раширени раце!
Азно наше, наша Македонска филхармонија, за тебе и со тебе живееме.
80 – години во ЉУБОВ!
Прочитајте го и Фељтонот во 10 дела за Патот на Македонската филхармонија за 80 години
