Петти ден е од блокадата во Србија. Блокадите, на кои повикуваат студентите, веќе започнаа низ цела Србија. Граѓани и студенти се приведени во Крагуевац, Белград, Нови Сад.
Студентите и граѓаните со нови тактики во трка со српската жандармерија.
Граѓаните на Стариот град ги блокираат раскрсниците во белградската општина со тактика на соборување контејнери на земја со голема брзина, а кога ќе пристигне жандармеријата, тие брзо се преместуваат на нова локација. Како што им рекоа на екипата на Н1, ова е нивна тактика, односно секогаш кога ќе се појави полицијата или жандармеријата, тие ќе ја напуштат локацијата каде што се, нема да се соочат со нив и ќе продолжат понатаму.
До 8:00 часот наутро, како што објави репортерот на Н1, тие веќе смениле неколку локации, од Плоштадот на Република, преку тунелот Теразије, Дечанска, и улицата Македонска.
Според репортерот на Н1, граѓаните се лути, постојано викаат „пумпа“.
Голем број припадници на жандармеријата брзо ги следат граѓаните, а зад нив се неколку нивни возила.
Меѓу граѓаните има и родители со мали деца.
Имаше и помал инцидент, кога еден лут граѓанин ја шутна опремата на Н1, но други граѓани дотрчаа кон него и му рекоа дека не треба да го прави тоа.
На профилите на студентите кои ги блокираат високообразовните институции во Србија, вчера беше објавено дека поради полициска бруталност, денска, 4 јули, Белград и Нови Сад да бидат целосно блокирани.
Во објава на Инстаграм, студентите во блокада ги повикаа граѓаните, ветераните, таксистите и земјоделците на целосна блокада на Белград во 7:00 часот наутро.
„Кога ќе престане почитувањето на Уставот и законите од страна на оние кои мора да ги заштитат, се мора да престане!“ напишаа студентите во блокада.
Во исто време, студентите на Факултетот за технички науки повикаа на блокада на Нови Сад од 6 часот.
Во четвртокот низ цела Србија беше тензично. Блокади беа организирани во Чачак, Краљево, Горњи Милановац, Ниш, Нови Сад, Ваљево, Панчево, Суботица, Нови Пазар, Ужице… Панчевчани ја блокираа Јужната зона, каде се наоѓаат фабриките на Рафинеријата НИС, Азотар и Петрохемија.
Ј. Ѓ.
