Американскиот претседател Доналд Трамп денеска ги оправда царините од 35 посто наметнати на Канада со потребата Америка да се справи со кризата со опиоиди, што делумно се должи на нелегалната трговија со фентанил преку Канада во САД.
Двете земји започнаа трговски разговори откако Отава ги напушти плановите за воведување даноци на американските технолошки компании по притисокот од Белата куќа.
Во своето писмо до канадскиот премиер Марк Карни и објавено на социјалната мрежа „Truth Social“, во кое ги најавува новите царини, Трамп навести дека ако Канада соработува со САД во спречувањето на увозот на фентанил во земјата, Вашингтон може да размисли за прилагодување на царините.
Воведувањето на новите царини го продлабочува јазот меѓу двете северноамерикански земји, кои претрпеа сериозен удар врз нивниот децениски сојуз.
