Во просторот познат како „Ќациленд“, кој со месеци постои како шаторска населба во центарот на Белград, синоќа повторно дојде до инциденти и тензии, јавува N1. Според информациите, опозициските пратеници биле изложени на вербални навреди од лица кои престојуваат во оваа импровизирана населба, додека ја напуштале зградата на Собранието на Србија.
На видеоснимките што кружат на социјалните мрежи може да се види како обезбедувањето повторно морало да интервенира за да ги спречи луѓето од „Ќациленд“ да тргнат кон пратениците. Тие биле навредувани со погрдни изрази и дофрлања, а обезбедувачите во жолти елечиња се обидувале физички да ги одвојат двете групи.
Kriminalci iz ćacilenda, privatno obezbeđenje, policije nigde.
Ako ste mislili da ćete ovako da nas uplašite, malo ste se zeznuli! pic.twitter.com/bVdVeFOR8M— Jelena Miloševic (@JelMilosevic) November 26, 2025
Станува збор за втор инцидент од ваков тип во текот на истиот ден. Претходно, во утринските часови, опозициските пратеници ја отстраниле оградата која го означувала влезот кон Пионирски парк, што дополнително ги зголемило тензиите на терен.
Народен покрет Србије тврди дека при инцидентите биле нападнати и опозициските пратенички Ана Јаковљевиќ и Ана Ераковиќ. Според нивните наводи, додека пратениците минувале покрај шаторската населба, кон нив биле упатувани извици како „лопови“ и „усташи“, а присутните од „Ќациленд“ постојано се обидувале да им се приближат.
NAPAD NA POSLANICE @NarodniPokretS NAKON SKUPŠTINE!!!
Od strane 50 maskiranih muškaraca napadnute su @anajakov i @anaerakovic !!!
Ovako SNS zamišlja “spuštanje tenzija” i otklanjanje Ćacilenda, oni napadaju i vređaju žene, i prete im silovanjem! Šta drugo može da se očekuje od… pic.twitter.com/uOv8X6cWkb
— Djordje Stanković (@djordjes89) November 26, 2025
Во еден момент на метеж и турканица, на земја бил соборен народниот пратеник Роберт Козма. По овој настан, пратениците јавно прашале каде е полицијата, по што полициските службеници се приклучиле на обезбедувањето за да спречат понатамошна ескалација и директен физички судир.
На крајот, дојде до меѓусебно туркање меѓу дел од присутните во „Ќациленд“ и обезбедувањето, при што ситуацијата била ставена под контрола, но без официјални информации за евентуално приведување или повредени лица.
