– ВМРО-ДПМНЕ води валкана кампања против членовите на СДСМ преку нивните портли и медиуми кои со години ги финансираат од црните пари украдени од граѓаните. Очигледно мислат дека ако повторуваат едни исти лаги ќе станат вистина, но се лажат. Моделот на Гебелс кој го учеа од Груевски и Протуѓер не проаѓа веќе ниту меѓу граѓаните ниту кај медиумите, реагираат со соооштение од СДСМ, по обвинувањата од ВМРО-ДПМНЕ.
Оттаму нагласуваат дека „сите имаат меморија, очи и памет, гледаат, слушаат, знаат но и паметат!“.
„Да расчисти СДСМ со Венко Филипче? Доктор специјалист кој лечи луѓе и спасува човечки животи, кој не само што ја предводеше борбата против ковид пандемијата туку и успешно се справи за што беа спасени многу животи, кој обезбеди повисоки плати за докторите, за специјлистите и македонското здравство го крена од дното кое крималната ДПМНЕ го остави.
Да расчисти СДСМ со Зоран Заев? Човекот кој ја објави вистината за криминалот на ДПМНЕ, го победи режимот на Никола Груевски и заедно со граѓаните ја ослободи Македонија и ја врати демократијата, со кој Македонија стана членка на НАТО, кој водеше политики за едно општество, поголеми плати, пензии, екононски раст и развој и европска иднина.
Кој го бара од СДСМ? Ајде да видиме.
Никола Груевски творец на режим, криминал и коруцпија од епски размери, кој покраде 2 милијарди евра од Македонија и побегна од правдата, за кого има меѓународна потерница и бројни судски пресуди за кои допрва треба да одговара?
Или Сашо Мијалков со сите злодела во време на режимот, прислушување на граѓаните, изборни измами, пресметки со опозиција и контрола на медиумите?
Криминалната ДПМНЕ ли бара да расчистува СДСМ со било кого?
Па Христијан Мицкоски е нивни ученик, кој ја спроведува истата криминална матрица, преку наместени тендери да се крадат пари од граѓаните.
Тоа што сега Мицкоски го применува, го учеше од прва рака во времето кога беше генерален скретар на ДПМНЕ, советник на Груевски, директор на ЕЛЕМ.
Ученикот Мицкоски сега сака да го врати учителот Груевски, за да може повеќе да приграбат.
Затоа СДСМ ја отвори борбата против криминалот и корупцијата на оваа власт и нема да застанеме. Ги повикуваме сите граѓани, невладини организации, интелектуалци, новинари, во нашата заедничка борба, крадењето да запре а криминалците да одговараат. СДСМ ги спреми своите нови бомби и се ќе објавиме.
Груевски беше осуден, Мијалков беше осуден, на ред е Мицкоски да се соочи со одговорноста.
До тогаш работата со расчистување со криминалот нема да биде завршена“, истакнуваат од СДСМ.
Претходно денеска ВМРО-ДПМНЕ излезе со соопштение во кое вели – „СДСМ мора да расчисти со Филипче ако сака да се реформира и да биде релевантен политички субјект во земјава“.
– Се разобличуваат скандалите од времето кога СДСM беше власт, и сето тоа е показател за структурниот хаос, распаднатите институции и неодговорноста на СДСМ, се посочува во соопштението од ВМРО-ДПМНЕ, во кое се обвинуваат Заев и Филипче.
ВМРО-ДПМНЕ тврди дека отписот на околу 2.000 тони пченица и јачмен од стоковите резерви е пример за институционален хаос за време на владеењето на СДСМ.
Според соопштението тогашниот премиер Зоран Заев и актуелниот лидер на СДСМ, Венко Филипче, формално легитимирале документ што, како што наведува партијата, не одговарал на фактичката состојба.
Од ВМРО-ДПМНЕ додаваат дека лица кои учествувале во вакви пропусти не можат да се претставуваат како кредибилен опозициски коректив и ја повикуваат СДСМ да се дистанцира од функционерите од претходната власт.
