На свеченото отворање на Зимските олимписки игри 2026 во Милано, американската делегација доби мешан прием од публиката, а најголемо внимание привлече реакцијата кон американскиот потпретседател Џеј Ди Венс, кој беше пречекан со свирежи.
Додека Team USA беше поздравен со аплаузи при влегувањето на стадионот „Сан Сиро“, во моментот кога камерите го прикажаа Венс заедно со неговата сопруга, од дел од публиката се слушнаа гласни свирежи и „буууу…“. Овие реакции беа јасно забележани во меѓународните телевизиски преноси.
Сепак, американската телевизија NBC во својот пренос не ги вклучи свирежите, прикажувајќи ја сцената без звучната реакција на публиката. Белата куќа подоцна сподели краток клип во кој исто така не се слуша негативната реакција.
Според анализите на странските медиуми, „ладниот прием“ за Венс се поврзува со пошироки политички тензии меѓу САД и дел од европската јавност, како и со контроверзните ставови и политики на администрацијата на Доналд Трамп.
Wall Street Journal истакна дека овој „ладен прием“ кон Венс е знак за нараснатото незадоволство и политичките тензии меѓу Европа и САД, кои кулминираа со контроверзни меѓународни политики на администрацијата на Доналд Трамп.
– Исто така било забележано дека Израелската делегација на момент била исвиркана, што сугерира дека некои од реакциите на публиката биле дел од пошироки политички расположби.
Американскиот претседател Доналд Трам, вели дека не го видел тоа и е изненаде зошто, како што вели „луѓето го сакаат Венс.
Настанот повторно ја отвори дебатата за тоа како големите телевизиски куќи ги уредуваат преносите на вакви глобални настани и колку политиката сè почесто станува видлива и на спортските сцени.
Ј. Ѓ.
