Јавното претпријатие за државни патишта (ЈПДП) упати известување до сите возачи и корисници на наплатните станици низ државата, најавувајќи оперативни измени во функционирањето на системот за наплата на патарините.
Имено, почнувајќи од 15 јуни 2026 година (понеделник), лентите кои се јасно означени за „MTAG“ ќе бидат наменети исклучиво за користење од страна на корисниците кои поседуваат електронски тагови.
Ова значи дека во овие конкретни ленти повеќе нема да биде можно плаќање во готовина или со платежни картички.
Од Јавното претпријатие апелираат до сите учесници во сообраќајот да ги почитуваат овие измени и да внимаваат на поставената сигнализација на наплатните рампи. Целта на оваа мерка е да се овозможи непречено и побрзо движење на возилата кои го користат електронскиот систем, како и да се намалат гужвите и застоите на патарините за време на летниот период, истакнуваат од ЈПДП.
