Амбасадорот на Словачка, Хенрик Маркуш, и заменик-амбасадорот на Чешка, Лубомир Пшенка, во заедничка изјава, велат дека не постои ентитет од Северна Македонија што влијаел на одлуките на Братислава и Прага да ги блокираат предлог-заклучоците на Советот на ЕУ за проширувањето и дека одредени ентитети од Северна Македонија почнале да шират неточни информации дека наводно влијаеле на донесувањето на одлуките на Прага и на Братислава поврзани со процесите во самата ЕУ.
Во нивната изјава се надедува дека и да постоеле некакви напори од некого за лобирање, сепак тие не стигнале до чешката и словачката дипломатија.
„За жал, одредени ентитети од Северна Македонија почнаа да шират неточни информации дека влијаеле на донесувањето на одлуките на Прага и Братислава поврзани со процесите во самата ЕУ. Ниту чешката ниту словачката дипломатија се свесни за постоење лоби-напори од некои ентитети кои можеле да влијаат на процесот на донесување одлуки во Прага и во Братислава. Ниту чешката ниту словачката дипломатија не се свесни за постоење лоби-напори од некои ентитети кои би можеле да влијаат на процесот на донесување одлука во Прага и во Братислава. Ако постоеле такви напори, таквите активности не стигнале до релевантните актери, односно до лицата што носат одлуки во Чешка и во Словачка.Одлуките на министрите Петричек и Корчок беа донесени без какво било влијание од ентитет од Северна Македонија.“- изјавуваат двајцата амбасадори.
Јавноста знае дека реакцијата на дипломатите се однесува на лагите пласирани од ВМРО ДПМНЕ, од Христијан Мицкоски и Александар Николовски кои пред македонските граѓани тврдеа дека тие се заслужни за поддршката на Чешка и Словачка во Европската Унија, односно за нивното вето за заклучоците. И оваа лага на ВМРО ДПМНЕ траеше само три дена.
Д. Е.
