„Само чесни функционери и отчетни институции кои работат во интерес на граѓаните и државата, а не во сопствен или партиски интерс можат да обезбедат подобро живеење на сите. Во оваа 2021 година продолжуваме со имплементацијата на препораките од „Греко“, рече на денешната прес-конференција вицепремиерот задолжен за борба против корупцијата и криминалот, одржлив развој и човечки ресурси, Љупчо Николовски.
Тој истакна дека во првата половина од годината во соработка со „УСАИД“, ќе се спроведе Тест за проценка на интегритетот на членовите на владата, советници и надворешни соработници.
„Тој тест ќе придонесе за воочување на соодветните слабости во поединечните сектори, а со тоа навремено ќе се превенира корупцијата. Тестот ќе покаже кои сектори се најризични во поглед на корупција и способноста на функционерите за менаџирање на кризните ситуации.“, рече Николовски.
Николовски нагласи дека се започнува со целоено спроведување на проектот за интероперабилност помеѓу сите анти-корупсциски институции кои одговараат пред владата. преку него ќе се обезбеди ефикасна размена на сите материјали и податоци за предметите поврзани со корупцијата.
„По електронски пат на дневна основа сите институции ќе може да ги добиваат и разменуваат овие податоци. На тој начин ќе имаме брзи и ефикасни резолтати во решавањето на случаите на корупција. Никој нема да смее да затајува и да забавува случаи каде што има сомнежи на корупција и криминал. Никого нема да осудуваме однапред, но имаме и задача и обврска сите информации веднаш да ги предадеме кај надлежните институции за брзо решавање на постапките и процесите и граѓаните да ги увидат резултатите.“, потенцира вицепремиерот Николовски на денешната прес-конференција.
Ј. Ѓорѓиоски
