ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ФРОНТ

Вози, Мишко!

January 15, 2021 09:55
in ZOOM IN, ДЕНЕС, ФРОНТ
Share on FacebookShare on Twitter

пишува: САШО ОРДАНОСКИ / ЦИВИЛ МЕДИА

Вчерашната вест што го обиколи светот вели вака:

„Британската агенција за стандарди за возачи и возила неодамна извести за нов неславен рекорд. Човекот, чие име не е објавено поради заштита на приватноста, успеал да го положи теоретскиот испит откако претходно паднал дури 157 пати, а за тоа потрошил околу 3.000 фунти.“

Хахахахахаааааа… Не знам зошто, паметот веднаш ми отиде на аналогија со нашава пуста политика: Има еден – поради заштита на приватноста, името не му го објавуваме – кој се обидува стотина пати до сега теоретски да ја освои власта во Македонија и му остануваат уште само 57 обиди конечно да успее во тоа! Упорноста, кога и да е, може да му се исплати.

Во меѓувреме, без „возачка дозвола“, крстари низ македонскиве политички сообраќајници доведувајќи го во опасност македонското граѓанство на сите можни анти-сообраќајни начини: вози во спротивна насока по политичката магистрала; се врти на кружните токови по стопати лево, без да го погоди излезот десно; паркира напред гледајќи во рикверц; не знае да процени кога треба да закочи, а потоа нагло чкрипи со гумите; вози под дејство на погрешни математички пресметки за свиоците; со години одбива возилото да го однесе на технички преглед; прибира случајни автостопери по пат и им дава и тие по малку нагло да го цимаат воланот; и, воопшто, ужива да се расправа со сообраќајната полиција кога ќе го фатат дека постојано лаже за тоа дека има дозвола.

Не распознава половина од сообраќајните знаци – на пример, не разбира што значи знакот за „слепа улица“, не знае кога треба да даде предност, не внимава на стока на патот, а за знакот за забрането претекнување на тестот дал одговор: „Црвеното возило е спортско и треба да додаде гас за да го претекне црното“!

По 156 неуспешни обиди, злобниците околу него велат дека е подобар во теоријата одошто во практичното возење и дека би бил одличен возач да не мора да вози, туку само да оди, со такси, по интервјуа на телевизии за бесконечно да објаснува како треба да се вози.

Додека тој, конечно, го положи возачкиот испит, ќе се распадне „авто школата“ што ја развозува. Автомобилските експерти кои му се блиски постојано му велат дека е одличен возач, само комисијата за полагање го мрази и е дел од големиот светски заговор против развојот на македонската сообраќајна култура.

Па, кога ќе се види кој му е инструкторот, не е ни чудо што стопати паѓа на испит: не се учи возење со инструктажа од далечина и тоа од шофер со доживотна судска забрана за управување со сите видови моторни возила.

Но, како што нè учи веста за упорниот анонимен Британец кој од 157-ми пат успеал да го положи теоретскиот дел од возачкиот испит, не треба никогаш да се губи надеж дека и нашиов политички талент еден ден ќе ја освои власта, макар и во 158-от обид. Кога автомобилите самите ќе се управуваат, а политиката ќе роди грозје.

 


Сите права се задржани. Текстот е личен став на Авторот.

Next Post

Пендаровски: Палењето на бугарското знаме е недопустливо и за осуда

Shortcut

Најново

Неказнивоста не е пропуст, туку систем

November 21, 2026

„Ниту една повеќе!“ – Протести против насилството врз жените, обвиненија и барања за институционална одговорност

November 21, 2026

Сите сакаат да владеат со светот

November 21, 2026
Фотографија: Unsplash

Младите бараат образование наместо оружје: Протести против планот на ЕУ за 800 милијарди евра за одбрана

November 20, 2026
Јана Коцевска

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

НАЈЧИТАНО

  • ЛЕЛЕ, МАМО, КРИЗА Е!

    0 shares
    Share 0 Tweet 0
  • Уставниот „рекорд“ на Сиљановска-Давкова падна на проверката на фактите – ЦИВИЛ МЕДИА укажува на политичка манипулација со бројките

    0 shares
    Share 0 Tweet 0
  • Вест стара 59 години

    0 shares
    Share 0 Tweet 0
  • Мислете му ја!

    0 shares
    Share 0 Tweet 0
  • Спасовски: Изборот е направен, насоката е потврдена, продолжуваме по правиот пат во европска иднина

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk