Државниот инспекторат за животна средина го осудува секој обид на инспекторите да остварат материјална корист од прикривање на законски прекршувања на загадувачите. Соработката која ја воспоставивме со Министерството за внатрешни работи за случаи поврзани со загадување на животната средина дава резултати, велат од ДИЖС.
Се уште не стивнуваат реакциите откако минатата недела словенечкиот портал „Нецензурирано“, објави нон-пејпер. Германија одлучно го отфрлува нон-пејперот за промена на границите на Балканот, аналитичари предлагаат Брисел да го осуди документот.
Колку и да мислевме дека прекројувањето на границите на Западен Блакан е завршена работа со прогласувањето на независнота на Косово, деновиве повторно се појави некој нов картограф кој вели дека тие не се добри и дека треба да се направи некоја голема Србија, голема Албанија и нешто поголема Хрватска, дека треба потполно да се минимизира БиХ, која би била на границата на исчезнување и сето ова што се појави не е случајно. Зад нон-пејперот се крие европската националистичка десница, и треба да бидеме внимателни, вели аналитичар и колумнист Бошко Јакшиќ.
Без оглед кога и да се случи формирањето на новата влада во Бугарија, двете страни не треба да губат време и треба да преземат конкретни чекори за меѓусебно приближување со цел да се ослободи патот за почеток на пристапните преговори на Северна Македонија со ЕУ што е можно побрзо. Доколку дојдат до таков заклучок, Австрија е секогаш подготвена да ги понуди своите капацитети како посредник, посочува шефот на Австриската дипломатија Шаленберг.
Во салата „Борис Трајковски“ денеска се вакцинираат пратениците, како дел од критичната инфраструктура опфатена во Националниот план за ковид имунизација. Како што информира Министерството за здравство, вакцинацијата ќе се одвива во три групи, од 10 до 18 часот.
Процесот на имунизација против Ковид-19 на територијата на целата држава се одвива добро. Апелирам уште еднаш граѓаните да се пријават за вакцинација на сајтот vakcinacija.mk. Околу 150 илјади граѓани во овој момент се пријавени и тоа ќе биде начинот на кој ќе го продолжиме процесот на имунизација, изјави денеска министерот за здравство Венко Филипче.
Oд понеделник 26.04.2021 година, почнува етапната исплата на априлските пензии. Министерството за труд и социјална политика информира дека пензиите ќе бидат исплатени предвреме и етапно, со цел да се овозможи поголема заштита на пензионерите во услови на опасност од коронавирусот КОВИД-19.
М. Миткоска
