Филипче: Од околу 150 пациенти примени за една недела, под 10 % се целосно вакцинирани и не се критични. Делта сојот е сој којшто е очигледно доминантен кај нас, и не само кај нас туку и во регионот и Европа. За делта сојот знаеме, а е и научно потвредно дека за 60-70% побрзо се шири од алфа сојот, претходниот британски сој, и е детектирана поголема количина на вирусот т.н. вирусен лоуд во слузокожата од брисевите на пациентите. Дали таа поголема количина на вирус ќе даде потешка клиничка слика, не знаеме, ги чекаме најновите студии, рече Филипче.
Заев: Донесени низа одлуки за рационално распоредување на силите. Премиерот Зоран Заев кој од утрово е во беровскиот регион очекува денес или најдоцна до утре пожарот кај Будинарци да биде изгаснат. Сепак тлеат, боровите шуми се опасни, смолата си го прави своето. Важно е да знаат граѓаните дека ги регулиравме сите оние детали околу обезбедување и рационално распоредување на силите, мораме и овие пожарникарите наши, војската, полицијата, шумските професионалци кои работат да направиме рационален распоред, заради тоа што летото е секако пред нас, рече Заев.
