Дарко Костовски од ВМРО-ДПМНЕ повикува на насилство. Според видеото кое го објавија повеќе медиуми, Костовски повикува на „чиста Македонија“ и пее „клетите шиптари“. За да биде иронијата поголема, Костовски ќе се бори за градоначалничкото место во Бутел, општина која важи за мултиетничка. Софија и Скопје мора да ги решат разликите на европско ниво, а Бугарија го сака токму спротивното -да ја ангажира ЕУ на своја страна, вели бугарскаа професорка по политички науки, Ана Крастева.
ФРОНТ, РЕНДГЕН, АНАЛИЗИ
Како да се биде новинар…..пишува Бранко Тричковски на ФБ.
Проф. Крастева: Софија и Скопје мора да ги решат разликите на европско ниво, а Бугарија го сака токму спротивното –да ја ангажира ЕУ на своја страна. Бугарија звучи како од минато, а не како за иднина. Нашиот сопствен развој ќе беше забрзан доколку повеќето од нашите соседи беа членки на ЕУ, смета професорката по политички науки Крастева.
(ВИДЕО) Дарко Костовски – кандидатот за градоначалник и пратеник од ВМРО ДПМНЕ повикува на насилство!? На социјалните медиуми и дел од порталите споделено е видео во кое сегашниот кандидат за градоначалник и актуелен пратеник од редовите на ВМРО ДПМНЕ во Бутел Дарко Костовски предводи група на млади и истите ги наведува да скандираат: „Клетите шиптари” и „Чиста Македонија” !!!
ИЗБОРИ
За четири години реализиравме над 7.000 проекти на локално ниво и ги раздолживме општините, изјави на вчерашната трибина во Демир Капија, потпретседателот на СДСМ, Фатмир Битиќи. Тој додаде дека биле наменети 500 милиони евра за проекти на локално ниво и дополнителни 35 милиони евра за 90 проекти на општинско ниво преку ТАВ програмата.
Исчистени се сите диви депонии во Виница, а со регионалната депонија системски ќе се реши овој проблем, рече премиерот Зоран Заев на трибината во Виница. Со изградбата на регионалната депонија системски ќе се реши ова важно прашања. Имаме 37 милиони евра грант од ЕУ и дополнители 6 милиони евра од буџетот. Тоа ќе биде европска депонија по сите атрибути, кажа Заев.
На ВМРО-ДПМНЕ опасно е да им се довери раководење на гранапче, а не пак општина или држава, изјави вчера вечер премиерот Заев во Виница.
СПОРТ И КУЛТУРА
Седумнаесетти Виз Ер Скопски маратон. Стартот на маратонот, полумаратонот и штафетниот маратон – ЕУ за спорт ќе беше во 8 часот, а трката на 5 километри започна во 8:10 часот, од платото пред Спортски центар Борис Трајковски, каде што е и целта на овогодишниот маратон.
„Интерфест“-Битола додели постхумно признание за Благоја Стефановски-Баге. Јубилејното 30. издание на „Интерфест“ синоќа почна со импресивна изведба на операта „Палјачи“ од Руџеро Леонкавало под диригентстката палка на Бисера Чадловска, а продолжува вечер со концерт на дуо пијано Маурицио Матарезе и Карла Авентаџиато од Италија кои ќе изведат дела од Дебиси, Равел и Форе.
И. Т. З.
