На социјалната мрежа Твитер, на профилот Дан(и)ела за Петрич @DanIelaKmetica, објавена е Вибер комуникација, која наводно се одвива помеѓу поранешниот градоначалник на Македонска Каменица, Дарко Митевски и сегашниот кандидат за градоначалник, Димчо Атанасовски -Џими, двајцата од редовите на ВМРО-ДПМНЕ. Според објавата, тие договараат поткуп на гласачи.
❗️Од вибер комуникацијата на поранешниот градоначалник Дарко Митевски и сегашниот кандидат за градоначалник Димчо Атанасовски -Џими за Македонска Каменица се гледа како договраат поткуп на гласови?, тепање ? на се што е против вмро. Да гласаме сите за реформирано ВМРО ДПМНЕ pic.twitter.com/orlVdglHuE
— Дан(и)ела за Петрич (@DanIelaKmetica) October 29, 2021
Од комуникацијата може да се прочита дека пари за гласови се обезбедени и дека ако треба и ќе се „тепа се што не ВМРО“.
Инаку, во септември минатата година, надворешната канцеларија за криминалистички работи Делчево поднесе кривична пријава против Дарко Митевски од Македонска Каменица поради постоење основи на сомнение за сторено кривично дело „злоупотреба на службената положба и овластување“.
„Во периодот од 01.01.2017 до 30.05.2017, пријавениот, како поранешен градоначалник на општина Македонска Каменица, без да спроведе постапка со барање за прибирање понуди и спротивно на член 28 и член 100 од Законот за јавни набавки, во повеќе наврати без одлука и спроведена постапка за јавна набавка извршил набавка на стоки и услуги во вредност над 500 евра, во денарска противвредност без да овозможи еднаков третман на економските оператори и без да спроведе транспарентна постапка при процесот на набавки на стоки и услуги, извршил и набавка на стоки и услуги од повеќе правни лица во вкупна вредност од 403.996 денари и овозможил на правните лица од кои извршил набавка да се
стекнат со некаква корист,“ пишуваше во соопштението од МВР од 28.09.2020 година.
