Канцеларијата за човекови права на Обединетите нации во Женева денеска соопшти дека од почетокот на руската инвазија врз Украина, на 24 февруари, може да ја потврди смртта на 406 цивили, вклучувајќи и 27 деца, но додаде дека вистинската бројка најверојатно ќе биде многу поголема, пренесуваат британските медиуми.
Најновите податоци на Високиот комесаријат за човекови права на ОН, што ја има набљудувачката мисија во Украина, го покриваат периодот од 24 февруари до 6 март.
Во претходниот извештај на организацијата од вчера бројката на потврдени цивилни жртви изнесуваше 364. /МИА/
