„Идејата за отворен Балкан е добра идеја, за поголема соработка меѓу државите од регионот кои долго време не направиле ништо за намалување на бариерите, за олеснување на бизнисите и функционирање на економските оператори“ рече вицепремиерот за европски прашања, Бојан Маричиќ во „Клик плус“ на ТВ21.
Тој додаде дека ова е прва иницијатива која по долго време доаѓа автохтоно и искрено од државите од Западниот Балкан.
„Во иницијативата ‘Отворен Балкан’ треба да се вклучат сите држави од регионот кои сметаат дека имаме што да правиме заедно, без да се оптеретуваме со политичките прашања“ рече Маричиќ.
Вицепремиерот додаде дека прашањето за членството во ЕУ е долгорочна цел на сите земји, а иницијатива „Отворен Балкан“ е добра вежба на регионално ниво, но не и алтернатива за ЕУ или некаква утешна награда.
Д. Е.
