Просечната нето-плата континуирано расте. Во јуни 2022 просечната плата изнесува 31.869 денари што е зголемување од 10,9% или 3.125 денари во однос на минатата година, објави премиерот Димитар Ковачевски повикувајќи се на најновиот извештај од Државниот завод за статистика за просечната плата.
„Зголемувањето на просечната нето-платата во јуни се должи на секторите:
Објекти за сместување и сервисни дејности со храна (23,1%)
Уметност, забава и рекреација (17,5%)
Трговија на големо и трговија на на мало (16%)“, објави Ковачевски.
„Владините мерки даваат позитивни резулатити во континуираното зголемување на просечната месечна нето-плата. Продолжуваме со креирање на мерки и на амбиент за повисоки стапки на економски раст и раст на приходите на сите граѓани’, истакнува во објавата премиерот Ковачевски.
