Продолжува говорот на нетолеранција и несфаќање на функцијата министер во техничката влада. Не е изоставено и министерството за земјоделие. Предмет на преписките на министерот Трајан Димковски и заменикот Цветан Трипуновски е откупот на тутунот, на оваа тема во „Утрински брифинг“ на „Слободна ТВ“ говори министерот за земјоделство Трајан Димковски.
-Се направи фама дека тутунот кој што се увезува кај нас го ремети пазарот и влијае на цената на домашниот тутун. Жалосно и трагично е што еден човек кој што две години беше директор на пазарниот инспекторат да излезе со такви манипулации и обвинувања. Кај нас има и фирми кои што имаат затворено подружици во Бугарија и увозот кој што е направен е направен со цел да се преработи и извезе надвор. Значи таквиот тутун воопшто не ја ремети домашната цена. Тоа е еден процес, еден глобален производ, а нашиот тутун се појавува на еден светски пазар и тоа е еден бизнис кој што самите фирми (мора да го блендуват, да го мешааат со повеќе видови на тутун) одат кон крајната цел – да го продадат на пазарот- вели министерот Димовски.
Досега е планирано да се откупат 26.500.000 илјади килограми тутун, вели Димовски. Досега се откупени 25.500.000.
-Според проценките нема повеќе од 1.000.000 останато на терен. Очекуваме до вторник, среда да заврши вкупниот откуп. Замениот Трипуновски се води од партиско-политички мотиви, во момент кога ние имаме над 93% откупен тутун, по една просечна цена од 221,5 денари. Станува за една висока откупна цена во споредба со минатите години- вели во „Утрински брифинг“ на „Слободна ТВ“, Трајан Димковски министер за земјоделство.
