Откако го прекрши Уставот во неколку наврати, вработуваше роднини на блиски пријатели, го користеше службеното возило за лични и партиски цели, го тргна паното од МТСП со уставното име, а лажеше дека не тргнала, техничката министерка за труд и социјала, Рашела Мизрахи, со полна пареа породолжи да крши закони и да глуми патриот, изјавувајќи дека ќе платела казна од 5.000 евра, но таблата со Република Македонија нема да ја менува. Значи, нејзината македонштина вреди 5.000 евра.
„Немам намера да ставам банер со Република Северна Македонија“, рече техничката министерка за труд и социјална политика Рашела Мизрахи, на денешната прес конференција на тема „Криминалите на Мила Царовска“, откако пред тоа направи едно чудо криминали. За недоследноста и да не говориме. Прво крши закон и Устав, па се прави наудрена и се вади дека не видела дека има нова табла, за потоа да го крене тоа на ниво на предизвик за системот – ќе платела 5.000 евра. Веројатно претпоставува дека нема никој да ја казни. Остана нејасно и дали ќе плати од свој џеб или од замрзнатата партиска каса. Ова прашање е важно за да се утврди степенот на вмровштината што сака да го достигне.
За тие што не се сеќаваат на нејзините акробации:
Мизрахи најпрво се појави на прес конференција без уставното име во позадина, тргна пано/банер и прилично подло ја искористи старата табла во МТСП на која пишува Република Македонија, невешто криејќи се зад ставот „дека ништо таа не менувала, таблата си стоела од времето на Царовска“. Таа така реагираше откако шефот на дипломатијата побара незјино разрешување по вербалната нота која пристигна од соседна Грција.
„Јас не ја игнорирам реалноста, но нема да дозволам создавање на нова реалност. Демократско право, но и морална обврска на секој граѓанин е кога ќе види неправда и да реагира по истата. Таблата е наследена и не постои стара и нова табла. Постои само една табла во Министерството за труд и социјална политика“, изјави Мизрахи од Крушево и не сакајќи покажа дека, сепак, ѝ е страв поради сериозниот престап што го сторила.
Нејзината заменичка, Санела Шкриељ, во изјава за Телма рече дека станува збор за старо пано кое МТСП ниту еднаш не го искористила по потпишување на Преспанскиот договор, што е потврда за лажењето на Мизрахи.
Испаничена, Мизрахи од Крушево се јави со крајно контрадикторна изјава која може да се сведе на: „не лажам, ама лажам“. Во истото Крушево, истиот ден, од каде што „шири македонштина“, нов скадал. Мизрахи се обиде да собере политички поени, но исклучиво со службено возило, кое очигледно го користи за партиски цели, продолжувајќи ги малверзациите на Хидро Мицкоски и Азил Груевски.
Служејќи се со добро познатите манири, својствени на режимот, со крајно арогантен и невнимателен однос кон функцијата и кон јавните ресурси, како да не постои рамка за службените овластувања определени со закон, Мизрахи спроведуваше типично партиска агенда, користејќи службено возило во неработен ден, и спроведуваше пропаганда како во најгрдите денови на режимот. Но, не на своја сметка, туку на сметка на граѓаните.
Но тука не е крајот на нејзините наследени режимски задкулисни сплетки. Можеме да очекуваме уште многу вакви и веројатно уште потешки гафови.
Како и да е, Мизрахи направи уште еден тежок престап, кој е казнив и според законот, но тежината, пред сѐ, е во отсуството на етиката.
Мизрахи објави дека малолетно девојче од мал групен дом е бремено, со што ја наруши приватноста на дете во ризик. Катастрофа!
Содржините потпишани со FRONTLINE се заеднички труд на најмалку двајца членови на Редакцијата. Линк до ИМПРЕСУМ. Сите права се задржани.
