Драги читателки и читатели,
Ако треба да погледнеме наназад и да одбереме настан што ги одбележа изминатите седум дена, еден од тие настани секако треба да биде посетата на генсекот на НАТО, Јенс Столтенберг, на нашата земја. Тој ја посети Северна Македонија како земја што е почитуван партнер во најголемата воено политичка алијанса во светот. Столтенберг од Скопје испрати голем број пораки значајни како за меѓународната положба на нашата земја, така и за глобалните текови.
Од друга страна, во силен контраст со настаните кои позитивно влијаат на општествено политичкото живеење е дивеењето на двајцата недораснати пратеници на т.н. Левица. Тие, како најдолни хулигани, кршеа, навредуваа и се закануваа од собраниската говорница, фрлаа топови хартија врз потпретседателот Мисовски и генералната секретарка на Собранието, Иванова. Насилниците Апасиев и Крмов се соочија со пристојноста, смиреноста и високата политичка толеранција што ја манифестираа претседателот Џафери и претседавачите Мисовски и Иванова, како и другите пратенички и пратеници во пленарната сала на Собранието. Најголем дел од јавноста го осуди и отфрли вандализмот на овие недостојни пратеници.
Во меѓувреме, македонскиот пат кон Европа останува закочен поради блокадата од ВМРО-ДПМНЕ.
Првата линија продолжува будно и без застој ги следи настаните и да обезбедува простор за прогресивните идеи.
Благодариме за довербата и поддршката.
Срдечен поздрав,
Редакција Фронтлајн
