„Веројатно не постои светски артист на оваа планета (освен, се разбира, David Bowie) кој може толку аргументирано да изнесе толку многу различни и заслужени епитети како Grace Jones, една од најреволуционерните и најзначајни музички и уметнички појави на светот на сите времиња. Некои од нив се: „Musical mastermind”, „Amazing Grace“, „Timeless”, „Art aristocrat”, „True diva”, „Goddess of Rhythm”, „Pop culture icon”, „Fashion Icon”, „Vamp Woman”… а покрај сето тоа, таа е и Super Model и Movie Star. Но, она што е најважно во моментов за нас е дека, пред сè, Grace Jones е “Master of stage”. Во тоа ќе се убедиме самите во Скопје“, најавуваат Авалон продукција.
Како што истакнуваат „Grace Jones, заедно со нејзиниот многуброен бенд и спектакуларно 90 минутни show, на концерт во Скопје на 6 јули 2024 година на стадионот на АРМ“.
Сите информации околу влезниците, како што велат од продукцијата, ќе бидат објавени на 30 јануари – вторник на социјалните мрежи од Авалон продукција.
