„Никој нема моќ да ја запре интеграцијата на земјата во ЕУ, тоа не може да го направи ниту ВМРО-ДПМНЕ. Меѓународниот фактор ќе му дозволи на победникот разбирлив рок да си ја врати позицијата во однос на Бугарија“, велат за „Фронтлајн“ познавачи на политичките околности во државата – коментирајќи ги резултатите од двојните претседателски -парламентарни избори и победата на десницата предводена од ВМРО ДПМНЕ.
Исмет Рамдани политички аналитичар вели дека за жал, на овие избори, либералната и социјалдемократијата претрпеа голем удар, односно пораз.
– Се поставува прашањето, дали е ова европски тренд или посебност на нашите внатрешни односи. Да победи толку убедливо национализмот и популизмот, тогаш мора да се бара вината кај актерите кои не успеваа да бидат отпорни на силната пропаганда која пенетрираше кај обичниот граѓанин. Нормално е денес да констатираш дека во била која комбинација да се избере претседател на Собранието – Албанец, додека истите пред седум години ги закрвавија пратениците само затоа што се бираше претседател Албанец на таа функција. Но, како и да е и за актуелните победници доаѓаат тешки предизвици со кои ќе се справуваат од позиција на власт. Да видиме како ќе ја совладуваат лукративноста и привилегијата наспроти одговорноста и очекувањата на граѓаните и евроинтегративниот процес, вели Рамадани за „Фронтлајн“.
Се надевам, додава тој, дека ќе се менува реториката и во однос на меѓуетничките и геостратешките предизвици како стратешка опција.
– Првиот испит веќе е во Собранието да се донесат уставните измени, а другото тек следува. Да видиме!!! – нагласи тој.
Политичкиот аналитичар Ќенан Алиу смета дека во западниот дискурс ВМРО-ДПМНЕ се смета за десничарска националистичка партија. Морам да појаснам, вели тој, дека со гласање суверенот одлучува кој ќе владее, а не како ќе владее затоа што треба да почекаме и да видиме.
– Знаеме како управуваа со една структура и со овој субјект цела една деценија. Но, ова е легитимирање од страна на нивниот електорат, но прашање е дали ќе има рефлексија за поинаква власт, останува да видиме. Овој субјект декларативно не е против интеграцијата во ЕУ, но како да е условен начинот и протоколот на рамковната рамка (францускиот предлог). Никој нема моќ да ја запре интеграцијата на државата во ЕУ, ова не го може ниту ВМРО-ДПМНЕ. Сметам дека меѓународниот фактор ќе даде разбирлив рок за закрепнување на нивниот став кон Бугарија. Годинава се парламентарните избори во ЕУ и претседателските избори во ноември во САД, фокусот ќе биде таму. Но, ќе ги добијат задачите наметнати од американската политика оваа недела, ако тие одамна не ги преземале и ги дале своите ветувања во однос на интегративниот процес, изјави Алиу за „Фронтлајн“.
Тој посочува дека длабоката победа на националистичкиот дискурс е последица на моќните одлуки што ги донесе владата на Зоран Заев за преименувањето на државата, но го ефектуираше членството во НАТО, а последица за поразот на СДСМ се продолжување на корупциската епидемија, односот кон политичкиот партнер ДУИ и флагрантното управување со судството од Републичкиот судски совет…
– Значи ВМРО-ДПМНЕ всушност не победи на изборите, туку власта им овозможи да победат, а уште полошо со исклучително длабока разлика, што ги направи да се победници во изборната трка во двоен план, подвлече тој.
Дестан Јонузи
