Европскиот парламент ќе одржи вонредна седница на 19 ноември во Брисел, за да одбележи 1000 дена од почетокот на руската воена агресија против Украина, соопшти претседателката на ЕП, Роберта Мецола.
По тој повод, украинскиот претседател Володимир Зеленски ќе се обрати на европратениците, иако нема да присуствува лично на седницата.
For as long as it takes 🇪🇺🇺🇦
Proud to announce a @Europarl_EN extraordinary Plenary Session on Tuesday 19 November, to mark 1000 days of the bravery and courage of the people of Ukraine.
President @ZelenskyyUa will join us for a special address from Ukraine.#SlavaUkraini
— Roberta Metsola (@EP_President) November 12, 2024
„Европската Унија ќе продолжи да ја поддржува Украина онолку колку што е потребно“, напиша Мецола на социјалната мрежа „Икс“. Таа додаде дека оваа седница е посветена на храброста и хероизмот на Украинците.
Минатата година, Зеленски се обрати на европратениците од говорницата во пленарната сала во Брисел, а годинава повторно го посети ЕП за средби со раководството на институцијата.
Мецола беше првиот претставник на институција на ЕУ која го посети Киев по почетокот на руската инвазија во 2022 година.
