Во Белград и денеска на повеќе локации беа поставени блокади во знак на протест поради жртвите од трагедијата на железничката станица во Нови Сад, пренесува Бета.
Зелениот левичарски фронт (ЗЛФ) соопшти дека 15 минути го блокирал белградскиот Северен булевар во спомен на жртвите од Нови Сад.
Од ЗЛФ на Фејсбук, заедно со фотографиите од блокадата, соопштија дека „нема да се откажат од одговорноста и правдата!“.
„Ако нема правда за народот, нека нема мир за власта“, беше еден од паролите на средбата.
Во Белград денеска студентите 15 минути блокирале дел од булеварот „Крал Александар“, како и улицата кај Земјоделскиот факултет, оддавајќи им почит на жртвите од уривањето на настрешницата на железничката станица во Нови Сад.
Нова.рс јави дека е идентификуван и уапсен маж кој со автомобил влетал во толпа студенти во близина на Земјоделскиот факултет.
