Украинските власти соопштија дека во синоќешниот руски напад врз Харкив повредени се 12 луѓе, од кои и две деца. Помеѓу повредните се и четворица пациенти од болницата во центарот на градот.
Нападот врз североисточниот украински град се случи кратко време откако украинскиот претседател Володимир Зеленски замина од Белата куќа.
Во меѓувреме украинската армија соопшти дека во текот на ноќта соборила 103 од вкупно 154 руски беспилотни летала лансирани врз Украина,
Дроновите биле лансирани од руските градови Орјол, Брјанск, Курск, Милерово и Приморско-Ахтарск, а остатоците од соборените беспилотни летала предизвикале штета во регионите на Харков, Одеса, Суми, Чернихив, Черкаси и Кијив.
