Иницијативата „Кој е следен?“, кои го организираа протестот за Фросина Кулакова, повикуваат на јавен собир денеска на плоштад Македонија со почеток од 18 часот.
Тие повикуваат не само во Скопје туку да се излезе на плоштадите во сите градови во Македонија.
Македонија повторно е завиена во црно. Уништени и во грч седиме пред екраните во исчекување на нова поголема бројка, во исчекување на нова поголема тага. 59 млади лица не го видеа денешниот ден. Дупло повеќе се во болници и тешко повредени. Ние, како и децата во дискотеката, сме повторно беспомошни и оставени сами на себе. Во овие траорни денови, Македонија треба да биде заедно. Треба да си бидеме рамо за плачење и треба да си дадеме еден на друг утеха, ако воопшто и можеме. ,,Кој е следен?” повикува на заедништво во ужасов. Ги повикуваме сите луѓе низ цела Македонија, утре во 18:00 часот да се соберат на плоштадите од своите градови и да не поминуваат низ ова сами. Повикуваме во чест на починатите да се поделат црни ленти, за како народ да покажеме дека згаснатите животи нема да бидат заборавени. Тек допрва ќе доаѓаат црните денови за нас, а низ Македонија заедно ќе се тагува и плаче. Така, ќе треба и Македонија заедно да се лечи, напишале во својата објава на социјалните мрежи.
Организаторите апелираат граѓаните да се движат по кејот на Вардар.
– Не блокираме улици додека сѐ уште се носат повредени. Не се собираме на тој начин за да не ја попречиме работата на нашите херои – здравствените работници кои се борат за нас. Многу брзо ќе дојде моментот и за друг тип на собири. Да не заборавиме дека во овие мигови, останува на нас, граѓаните, да бидеме одговорни, наведуваат од „Кој е следен„
View this post on Instagram
