Српското Собрание денеска на седница ја констатираше оставката на премиерот Милош Вучевиќ, поднесена од него во крајот на јануари, јави дописникот на МИА од Белград.
Вучевиќ поднесе неотповиклива оставка на 28 јануари, по напад врз студентите во блокада во Нови Сад. Со констатирање на оставка на премиерот, владата станува техничка, а почнува рок од 30 дена за избор на нова влада.
Претседателката на српскиот парламент Ана Брнабиќ му се заблагодари на Вучевиќ за чесното и чесно извршување на должноста додека ја извршуваше функцијата премиер.
Оставката на Вучевиќ беше дадена три месеци по падот на бетонска настрешница на железничката станица во Нови Сад, негов роден град и каде беше претходно градоначалник, која однесе 15 човечки животи. Трагедијата е причина за масовни протести низ цела Србија што се уште траат.
По него оставка поднесе и градоначалникот на Нови Сад, Милан Ѓуриќ.
Српскиот претседател Александар Вучиќ Доколку во неделата изјави дека ако не се формира нова влада 30 дена откако Народното собрание ја потврди оставката на премиерот Милош Вучевиќ, парламентарните избори би можеле да се одржат на 8 јуни.
