Британското Министерство за одбрана потврди дека руски разузнавачки брод навлегол во британски територијални води и упатувал ласерски зраци кон пилоти на Кралските воздухопловни сили, јавува The Guardian. Инцидентот се случил оваа недела и веднаш предизвикал дипломатски тензии меѓу Лондон и Москва.
Според британските власти, бродот изведувал „провокативни и опасни маневри“, вклучувајќи насочување ласери кон воени авиони што вршеле рутински летови во близина. Таквото однесување може да предизвика заслепување на пилотите и се смета за сериозен безбедносен ризик.
Министерството за одбрана го осуди инцидентот како „недговорно и неприфатливо однесување“ и најави дека ќе го покрене прашањето на соодветни меѓународни форуми. Москва засега нема официјален коментар за случувањата.
Британските власти нагласуваат дека ќе продолжат внимателно да го следат движењето на руските воени и разузнавачки пловила во регионот, во контекст на зголемените тензии меѓу Русија и НАТО.
