Украинскиот претседател Володимир Зеленски денеска им се обрати на граѓаните и индиректно потврди дека Кијив се соочува со силен меѓународен притисок поради новиот мировен предлог кој, според Кијив Индипендент, во голем дел ги рефлектира старите барања на Москва.
❗️❗️ Zelenskyy has published an address to the Ukrainian people.
“We are now living through one of the most difficult moments in our history. Right now, Ukraine may face a very tough choice: either the loss of dignity, or the risk of losing a key partner. Either a difficult… pic.twitter.com/bfS8U1bLBr
— 🪖MilitaryNewsUA🇺🇦 (@front_ukrainian) November 21, 2025
Зеленски предупреди дека моментот е „едeн од најтешките“ за државата:
„Украина може да се соочи со исклучително тежок избор – или губење на достоинството, или ризик да го изгубиме клучниот партнер. Или 28 комплицирани точки, или најтешката зима досега,“ изјави тој во видео-пораката.
Иако не го именуваше директно американскиот предлог, претседателот рече дека одлуките што следат бараат „смирен дијалог со Америка и со сите партнери“, додавајќи дека националниот интерес ќе биде центарот на украинската позиција.
Во говорот, Зеленски ги повика пратениците и владата да престанат со внатрешни конфликти:
„Мора да престанат кавгите и политичките игри. Парламентот мора да работи во единство, владата е должна да функционира ефективно.“
Претходно неделава, американскиот претседател Доналд Трамп го одобри новиот мировен пакет и порача дека очекува Украина да го прифати „до Денот на благодарноста“, со рок до 27 ноември – рок што во Кијив го оценија како нереален.
Од кабинетот на Зеленски потврдија дека ја примиле рамката од 28 точки и дека разговорите со Трамп ќе продолжат. Зеленски соопшти дека разговарал и со потпретседателот Ванс и со секретарот на Армијата Дрискол, притоа разгледувајќи „многу детали од американскиот предлог“.
