ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ФРОНТ

Неказнивоста не е пропуст, туку систем

Кога моќните не одговараат, институциите молчат, а граѓаните остануваат без заштита, правдата престанува да биде право и станува привилегија.

November 21, 2026 16:59
in ZOOM IN, ПОЛИТИКА, ПРАВДА, ФРОНТ
Share on FacebookShare on Twitter

ФРОНТЛАЈН ПРЕС | ЕДИТОРИЈАЛ

Во Северна Македонија, неказнивоста одамна не е исклучок, туку правило, политичка практика и општествена болест. Одамна никој не верува дека оние што имаат моќ, пари и врски се еднакво третирани пред законот. Едноставно, за моќните и за врскаџиите, законот не важи. 

Од корупциските скандали до насилството врз жените, од злоупотребата на јавните ресурси до институционалното непостапување, се повторува истата приказна со години и децении. Одговорноста исчезнува таму каде што почнуваат политичката моќ, партиската заштита и влијанието на привилегираните.

Се менуваат влади, министри, директори и партиски знамиња. Но системот на неказнивост преживува. Вчерашните обвинители стануваат денешни обвинети во политичките пресметки, а вистинската одговорност останува закопана под купишта соопштенија, прес-конференции и бескрајни судски постапки.

Европската комисија во извештајот за 2026 година предупредува дека високопрофилните корупциски случаи се одолжуваат и често завршуваат со застарување. Во борбата против корупцијата нема напредок. Тоа не е само административна слабост. Тоа е сериозна дијагноза за држава во која правдата премногу често губи од времето, парите и врските.

Но неказнивоста не живее само во кабинетите на функционерите. Таа живее и во полициската пријава што не добила соодветен одговор. Во заканата што институциите ја потцениле. Во насилникот што продолжува да тероризира. Во жената што побарала заштита, а останала сама и поради системот што не функционира – го загубила и животот. Во детето што никој не го слушнал навреме и завршило на улица, со насилство, уличен криминал и дрога.

На 20 ноември, Обединетите нации предупредија за драматичен пораст од 70 проценти на пријавените случаи на родово базирано насилство во првите десет месеци од 2026 година. Зад статистиката стојат реални човечки судбини и институционални пропусти што понекогаш завршуваат со неповратни трагедии.

И тогаш повторно слушаме дека „институциите постапуваат“. Дека „се преземаат мерки“. Дека „случајот се истражува“.

До кога?

Власта не може бесконечно да ја префрла вината на претходниците. Институциите не смеат да бидат ниту партиски штит, ниту декорација за политички говори.

Неказнивоста е најопасната форма на институционализирана неправда. Таа испраќа порака дека законот е строг кон немоќните, а флексибилен кон моќните.

Држава во која одговорноста е селективна не може да биде правна држава. Демократија во која граѓаните мора да молат за правда е демократија во опасност.

На граѓанките и граѓаните не им се потребни нови спектакуларни ветувања за пресметка со криминалот. Ни требаат независни институции, заштитени жртви, ефикасни истраги, правосилни пресуди и одговорност за секое службено непостапување.

Зашто неказнивоста не е само отсуство на правда. Таа е дозвола неправдата да се повтори.

 


Сите права се задржани. 


Фронтлајн | идеи на првата линија

Shortcut

Најново

Неказнивоста не е пропуст, туку систем

November 21, 2026

„Ниту една повеќе!“ – Протести против насилството врз жените, обвиненија и барања за институционална одговорност

November 21, 2026

Сите сакаат да владеат со светот

November 21, 2026
Фотографија: Unsplash

Младите бараат образование наместо оружје: Протести против планот на ЕУ за 800 милијарди евра за одбрана

November 20, 2026
Јана Коцевска

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

НАЈЧИТАНО

  • ЛЕЛЕ, МАМО, КРИЗА Е!

    0 shares
    Share 0 Tweet 0
  • Уставниот „рекорд“ на Сиљановска-Давкова падна на проверката на фактите – ЦИВИЛ МЕДИА укажува на политичка манипулација со бројките

    0 shares
    Share 0 Tweet 0
  • Вест стара 59 години

    0 shares
    Share 0 Tweet 0
  • Мислете му ја!

    0 shares
    Share 0 Tweet 0
  • Спасовски: Изборот е направен, насоката е потврдена, продолжуваме по правиот пат во европска иднина

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk