Партиските ботови на опозицијата и поддржувачите на радикалното насилство во нашата земја, ненамерно најавуваат пораз на нивната опција, но најавуваат и насилство како тоа на црниот 27 април 2017 година.
Твитерџија што се претставува како Св. Николо Макијавели од Македонија, во одговор на еден манипулативен и клеветнички твит, вели:
На 27 Крсто пак ќе ја отвори вратата.
Да потсетиме, пратеникот Крсто Мукоски од ВМРО-ДПМНЕ, ја отвори вратата на Собранието вечерта на 27 април и со тоа овозможи насилниците да влезат во законодавниот дом и да се обидат да извршат државен удар. Тие ги нападнаа пратениците на тогашната опозиција, како и новинарските екипи што беа таму на извршување на нивните работни задачи. Насилниците се обидоа да го убијат сегашниот премиер Зоран Заев и речиси го убија пратеникот и лидер на Алијансата за Албанците, Зијадин Села.
Дали онлајн активистите, троловите и ботовите на ВМРО-ДПМНЕ се подготвуваат за уште едно црно сценарио по изборниот пораз во април догодина? Останува отворено и прашањето дали ова е дел од причините зошто инсистираат на техничка влада во која ќе заземат позиции во безбедносните структури.
Редакција ФРОНТЛАЈН
