МАНЧЕВСКИ: Од први овој месец имаме функционален електронски рецепт за сите хронични болни во државата. Ова веќе функционира, не е „ќе“, ова функционира.
ПРЕТСЕДАТЕЛОТ Пендаровски смета дека на наредната лидерска средба што треба да се одржи на почетокот на идната недела шансите за договор за датум за одржување парламентарни избори се 50:50. Целта е да се постигне консензус, а тој е само медијатор во процесот. Позициите на политичките лидери во однос на датумот за избори, според шефот на државата, се многу различни.
НА заедничка иницијатива на Грција и Северна Македонија, ќе се одржи нова видеоконференција со колегите од балканските и соседните европски земји за подобра координација за најбрзо можно враќање во општествено-економска нормалност, се разбира со помош од ЕУ, по периодот на строги рестриктивни мерки поради пандемијата.
ШЕФИЦАТА на канцеларијата на СЗО во Скопје, Џихан Тавила за МИА: Нешто што може да биде многу полошо е доколу дојде до нагло зголемување на бројот на случаи со Ковид-19, само неколку дена по олабавувањето на мерките. Ако дојде до повторно затворање, би било покатастрофално за економијата и за заедницата отколку влијанието на првите рестриктивни мерки.
ПРЕТСЕДАТЕЛОТ на СДСМ, Зоран Заев, на видео конференција со претставници на Лидерство за Целите за одржлив развој, разговарал за целите за одржлив развој до 2030 година, политиките на државата во интерес на остварување на зацртаните цели и македонскиот модел како пример за развој на јавни политики.
ПОСТ на Кристина Костова: Коронавирусот е катастрофа, ама барем ја разоткрива тоталната непотребност од свадбената индустрија, создадена од еден куп услугодаватели кои и за редок воздух наплаќаат чудо пари, само затоа што им се може.
ЕВРОВИЗИЈА 2020 беше откажана заради корона пандемијата, па организаторите, заедно со овогодинешниот домаќин Холандија, најдоа решение како да ја одбележат традицијата на фестивалот чие издание беше откажано прв пат во 65 години.
НА ДЕНЕШЕН ДЕН: Биле доделени првите Оскари во Холивуд во 1929, родена е српската писателка Десанка Максимовиќ, Јапонката Јунко Табеи станала првата жена која се искачила на највисокиот светски врв Монт Еверест во 1975.
ВРЕМЕТО ќе биде умерено облачно и многу топло. Ќе дува слаб ветер од променлив правец. Утринската температура ќе се движи од 11 до 18 степени, а дневната температура од 26 до 34 степени.
А. Н. Стојчевски
