Комитетот на експерти за справување со пандемијата со Ковид-19 соопшти дека од среда во Албанија се враќа полицискиот час,во период од три недели.
-Поаѓајќи од високиот број заразени а со цел да се спречи понатамошното ширење на заразата, донесовме одлука со која се забранува движење од 22:00 до 6:00 наутро. Ограниченото движење започнува од среда, 11 ноевмри и ќе трае три недели.Од оваа одлука се изземаат само лицата кои се на работа и службите за итни потреби, рече Мира Ракацоли, претседателка на Комитетот и заменик министер за здравство и социјална заштита.
Исто така се забранува работата на угостителските објекти од 22:00 до 06:00 часот (освен услуга за достава ), додека за јавната администрација, според спецификите на секторот, ќе се работи онлајн или со ротација, со строго почитување на протоколите.
Ракацоли нагласи дека на овој чекор се одлучиле по деталната анализа на состојбата со пандемијата и реалзираните активности до сега,како и искуството од други земји.
-Констатравме дека во Албанија заразата се шири. Зголемена е и инциденцата. Апелираме на строго почитување на новите и до сега препорачаните мерки, посочи Ракацоли.
Одлуката на Комитетот на експерти стапува во сила без за неа да донесува дополнителна одлука на Владата.
Во меѓувреме Началничката на Одделот за епидемиологија при Институтот за јавно здравје, Силва Бино, изјави дека Комитетот на експерти за справување со пандемијата, чиј член е и таа, одлучил да се почне со примена на брзи тестови за коронавирус.
Вкупната бројка на ковид дијагностицирани од почетокот на епидемијата изнесува 24.731(од тестраните 141.081), бројката на оздравени пациенти е 12.203, на починати е 559, а бројот на активни случаи изнесува 11.555,од кои во трите ковид болници се хоспиталзирани 360 лица.
