Градоначалникот Шилегов и Град Скопје известуваат за ангажираноста на градските служби и посебно за тимовите од Црвениот крст на Град Скопје кои вршат набавка на храна и на лекови, административни услуги, а вршат и транспорт на лица до здравствени установи за неопходни медицински услуги.
„Мобилните тимови на Црвен крст на град Скопје вредно работат на давање поддршка за најрaнливите граѓани, старите и изнемоштените лица, лица во изолација, самохрани родители, лицата со попреченост и нивните семејства.
Воспоставен е систем во кој се вклучени над 55 лица, професионалци и волонтери, кои добиваат од 75 до 100 повици дневно, а во текот на денот опслужуваат околу 55 семејства. Мобилните тимови прават распоред на купување и вршат набавка на храна и на лекови, административни услуги, а вршат и транспорт на лица до здравствени установи за неопходни медицински услуги.
Активностите се реализираат од 8:30 до 12:30 часот.
Црвениот крст на град Скопје и Град Скопје работат во служба на граѓаните. Вие останете дома и почитувајте ги препораките.“