Заев: Нема консензус за избори поради неодговорноста, незрелоста и партиските интереси на Мицкоски. Неодговорноста и незрелоста и мислењето само на партиската фотелја на Христијан Мицкоски во ВМРО-ДПМНЕ доведе до тоа да нема договор со консензус. Наместо да се стават потребите на граѓаните на прво место, тие ги стават партиските. Не сум видел политричар со ваков страв од сопствените граѓани, изjави претседателот на СДСМ, Зоран Заев по лидерската средба.
Мицкоски разочаран од Kомисијата за заразни болести. „Ме разочара извештајот на Kомисијата за заразни болести, бидејќи во 4 точки било пишано тоа што веќе сме го слушнале порано, да носиме маски, да држиме дистанца“, рече Мицкоски. Тој бара избори во почеток на вториот можен бран.
Касами: БЕСА е за избори во јуни. „Движењето Беса е за избори во јуни, но за да дојде до тоа мора да се укине вонредната состојба прво. Беса е изборите да бидат во рамки на Уставот и законите за натаму власта која ќе произлезе од овие избори да може подобро да се справи со економската и здравствената состојба. Ние со политичка одлука ги одложивме изборите и сега течат роковите од претходно и останува Владата и претседателот да одлучат кога ќе се укине вонредната состојба, а потоа да се определи и датумот. Посакувам бројот на заразаени и починати да се намали, но истовремено апелирам институциите да ги подготват граѓаните за избори“, изјави Касами.
Села: Алијанса за Албанците е за избори на 26 јули за да има помалку заразени и поголема сигурност. „Затоа, нашиот предлог не беше за лични каприци, за избори на 26 јули ценевме дека ќе дадеме време да имаме помалку заразени и повеќе сигурност за граѓаните. Меѓународната набљудувачка мисија ќе ги отвори границите до тогаш за да дојдат да набљудуват. Истовремено, ДИК ќе има можност да ги отвори списоците и да имаат право да гласаат и оние кои наполниле 18 години“, изјав Села.
Николовски: Нема да дозволиме еден неодговорен партиски профитер како Мицкоски да ја турка земјата во криза. Мицкоски не може да бира дали ќе оди на избори, неговата партија во секој случај ќе се најде на гласачкото ливче. Мицкоски единствено може да бира дали ќе води кампања или не“, напиша Николовски.
Еве, драги мои, чекам да видам што ќе решат таканаречените лидери: дали ќе ја конституираат Северна Македонија или ќе го затворат досието на таа машина за измачување на луѓето!? Прочитајте во најновата колумна на Бранко Тричковски – Избори, меѓу животот и смртта!
