Попладневен преглед: Пендаровски го потпиша Указот за Законот за попис, тренерот приведен за силување не е член на Џудо федерацијата, против нeго се водела и дисциплинска постапка..

Претседателот Пендаровски го потпиша Указот за Законот за попис. Собранието на 21 јануари со 62 гласа „за“, без „воздржани“ и без „против“ го донесе Законот за попис на населението, домаќинства и становите во Република Северна Македонија. Пописот ќе се спроведе во периодот од 1 до 21 април 2021 година.

ДИК: За спроведување на Локалните избори предвидени 263 милиони денари. Претседателот на ДИК Александар Даштевски изјави дека овие средства можеби нема да бидат доволни поради тоа што во некои општини ќе треба да се спровдат два круга на гласање, а ќе се избираат и советници и градоначалници. Сепак, ставките се, вели, усогласени и би требало да се покријат потребите.

Регистрирани 63 нови случаи на Ковид 19 од 677 тестирани, оздравени се 573 пациенти, починати се 6 лицa. Вкупната бројка на ковид дијагностицирани во нашата земја од почетокот на епидемијата изнесува 90.717, бројката на оздравени пациенти е 78.727, на починати е 2.791, а бројот на активни случаи изнесува 9.199.

ОЈО Прилеп покрена постапка против 46-годишен тренер по џудо кој извршил полови дејствија врз деца. Осомничениот како тренер по џудо, од април до ноември 2020 година, во Прилеп и на други места, заради задоволување на полови страсти, со злоупотреба на својата положба извршил полови дејствија врз деца кои наполниле 14 години – ученички кои му биле доверени заради тренирање и воспитување, се вели во соопштението од ОЈО.

Македонска Џудо федерација: Тренерот приведен за силување не е наш член, беше дел од дисциплинска постапка поради злоупотреба на официјален документ. Поради оваа дисциплинска постапка, одземена му е лиценцата за тренер по џудо и исфрлен е од Џудо федерацијата на Македонија, за што официјално беа известени сите надлежни институции вклучувајќи ја и Агенцијата за млади и спорт“, се вели во соопштението на Македонската Џудо федерација.

Шахпаска: Приоритет е брза и ефикасна постапка за заштита на жртвите од семејно насилство. Таа истакна дека во нашата држава семејното насилство е регулирано и со граѓанското и во казненото законодавство.

Ди Џовани: Пресудни за добриот образовен систем се мотивирани и компетентни наставници. Образовниот систем, на чело со наставниците, треба да им помогне на учениците да стекнат знаење, притоа оспособувајќи ги да го користат знаењето, да развијат социјални и емоционални вештини, умешност за критичко и креативно мислење, самодисциплина, љубопитност и чувство на припадност и цел, рече Ди Џовани во изјава за медиумите.

За околу 35 % ќе се зголеми вредноста на дежурствата во ковид одделенијата во ГОБ „8 Септември“. Постоечката вредност на дежурствата од 96 отсто, со измените би достигнала до 130 отсто.

Сведочења на новинарите Чадиковски и Цветковска во „Титаник“: Добивме списоци со имиња од гласачи од ВМРО-ДПМНЕ. Списоците содржеа податоци, од генералии, телефонски броеви и избирачки места каде што треба да гласат. Тие беа лица што благодарение на државниот апарат добивале работни позиции. Бидејќи добивале привилеги од партијата тие имале обврска да донесат 15 или 30 гласови зависно во која позиција се вработени во институциите. Најчесто стануваше збор за раководни лица, изјави сведокот Цветковска.

Мал битолски Монмартр: Тоше има само ден на раѓање. Според востановената традиција, токму на 25 јануари доделуваме награди за членови на детското ликовно студио „Св.Кирил и Методиј“, кои на наша адреса пристигнуваат од сите страни на светот, но, овој настан го одложивме, превентивно заради пандемијата. Затоа, пак, пред националната галерија ги слушаме и пееме песните на Тоше, и жалиме за големата загуба, кусо информираа од „Мал битолски Монмартр“.

И. Т. З.

САД ќе ги надоместат четирите изгубени години во борбата против климатските промени

Најново

Што стои зад истовремениот прекин на водечките платформи за вештачка интелигенција на 3 септември

Утре во Лондон: Украина и иднината на Европа – средба на украински, британски и европски парламентарци

Андонов со провокативни „викенд прашања“ до Мисајловски

Државно организиран секс – кој ќе ја плати сметката?

Глигоров и Филипче од Македонија

НАЈЧИТАНО

Глигоров и Филипче од Македонија

Мицкоски: Јовановиќ призна дека Владата на СДСМ и ДУИ остави долг за кој денеска плаќаме камати

Андонов со провокативни „викенд прашања“ до Мисајловски

Државно организиран секс – кој ќе ја плати сметката?

Од празни селски училишта до преполни градски училници: Новата реалност на образованието