Денеска се регистрирани 554 нови случаи на Ковид 19. Вкупната бројка на КОВИД-дијагностицирани лица во нашата земја од почетокот на епидемијата изнесува 101.762, бројката на оздравени пациенти е 90.895, на починати е 3.119, а бројот на активни случаи изнесува 7.748.
Филипче: Колегата Јота има тешка повреда на главата. Хирургот Ѓорѓи Јота кој вчера беше прегазен од возило управувано од 16-годишник без возачка дозвола пред Клиничкиот центар во Скопје, има тешка повреда на главата, потврди денеска министерот за здравство Венко Филипче.
Филипче: Лесно зголемување на бројот на заразени со Ковид-19, 70 отсто од новите случаи се со британски сој. Тоа што сега не можеме да бидеме сигурни, посочи министерот, е дали тоа ќе биде тренд и ќе продолжи и понатаму или е само некој мини бран кој се случува овие денови.
Во тек се разговори за вакцината „Спутник ви“, пристигнувањето на кинеските се одложува за неколку дена. Министерот за здравство Венко Филипче информираше дека досега се вакцинирани околу 2000 здравствени работници, кои работат со ковид-пациенти.
Демонстранти фрлаа камења кон полицијата, други демонстранти се обидуваa да ги спречат. Пратениците Скендер Реџепи од Алтернатива и Елми Азири од Алијанса исто така ги смируваа демонстрантите на протестот, кои почнаа да фрлаат со предмети по полицијата затоа што не добија дозвола да го продолжат маршот до Основниот суд и до Собранието.
Повредени седум полицајци на протестот за „Монструм“. Нападната беше екипа на МИА и на дневниот весник „Слободен печат“.
ЗНМ остро го осуди нападот на новинарската екипа на МИА. ЗНМ уште еднаш предупредува дека неказнивоста на нападите и медиумските работници може да поттикне посериозни насилства кон новинарите, а со тоа дополнително да се загрози нивната безбедност, правото на слобода на изразување, како и правото на информирање на граѓаните.