Бранко Црвенковски не може да биде друго освен СДСМ, тоа им е јасно на сите, и затоа не верувам во приказните кои се пуштени во јавноста дека тој ќе формира нова партија, оцени денеска премиерот Зоран Заев. Тоа треба дефинитивно да го прашате него, а јас го кажувам заради тоа што тој е еден од основачите на СДСМ и претседател на партијата долг период. Бил премиер, а преку честа да го води СДСМ бил претседател на државата и е наш општественик.
Во тек е масовна имунизација против Ковид-19, бројките на новозаразени и хоспитализирани се намалуваат, што дава надеж за скорешно завршување на епидемијата. Покрај 200 илјади кинески вакцини, во земјава пристигнаа и првите количини од ветените 120 илјади дози од ЕУ што вчера ги доставија еврокомесарот за проширување Оливер Вархеји и австриската министерка за Европа Каролине Едштадлер.
Оваа Влада искрено и силно е посветена во негувањето и унапредувањето на македонскиот јазик, бидејќи нашиот јазик е нашиот национален и културен идентитет, напиша на Фејсбук премиерот Зоран Заев, по повод 5 Мај – Денот на македонскиот јазик, кој Владата пред две години го прогласи за празник во чест на 5 мај 1945 година кога е донесено Решението на Президиумот на АСНОМ за усвојување на азбуката на македонскиот јазик.
Катедрата за македонски јазик и книжевност при Филолошкиот факултет на Универзитетот „Гоце Делчев“, денеска организира одбележување на Денот на македонскиот јазик и 100 – годишнината од раѓањето на Блаже Конески.
Пресудата за 27 април треба да го осуети насилството како легитимно политичко средство. Сите граѓани сведочеа дека настаните од пред четири години беа терористичко уривање на поредокот, изјави министерот за правда Бојан Маричиќ. Ако сакаме напред опозицијата мора да се откаже од блокирањето како стратегија, вели тој. Имаме Антикорупциска комисија која отвора случаи неселективно и е подобра од она што била до пред неколку години. Претходно не ги знаевме ни имињата на членовите кои што работат таму, а не пак што работат, додаде.
Војна со коронавирусите. Епизода 1 – Вирусот фантом
Дувањето и пумпањето со „Иде Бранко“ е неописив дилентатизам на пар „увреѓени и разочарани“ фиќфириќи заради чиста суета. Вака оди суетењето: ја не го сакам овој, оној другиот не можам да го гледам, а тој па, господ да чува и да брани, и така натаму и на тоа слично. Типичен малограѓански ендорасизам, вели Јовановиќ во Фејсбук статус.
По препорака на Комисијата за заразни болести, поради стивнувањето на епидемијата во земјава, Владата донесе одлука наместо од 21:00 часот, полицискиот час од денеска да започнува од 23:00, а ќе трае до 05:00 часот.
М. Миткоска
